กุสลํ นเหตุํ สเหตุกํ ธมฺมํ ปฏิจฺจ นอกุสโล นเหตุ นสเหตุโก ธมฺโม อุปฺปชฺชติ เหตุปจฺจยาฯ กุสลํ นเหตุํ สเหตุกํ ธมฺมํ ปฏิจฺจ นกุสโล นเหตุ นสเหตุโก จ นอกุสโล นเหตุ นสเหตุโก จ ธมฺมา อุปฺปชฺชนฺติ เหตุปจฺจยาฯ ตีณิฯ

อกุสลํ นเหตุํ สเหตุกํ… ตีณิฯ

อพฺยากตํ นเหตุํ สเหตุกํ ธมฺมํ ปฏิจฺจ นกุสโล…เป.… นอกุสโล…เป.… นกุสโล นเหตุ นสเหตุโก จ นอกุสโล นเหตุ นสเหตุโก จ ธมฺมา อุปฺปชฺชนฺติ เหตุปจฺจยา… ตีณิฯ

[16] อพฺยากตํ นเหตุํ อเหตุกํ ธมฺมํ ปฏิจฺจ นกุสโล นเหตุ นอเหตุโก ธมฺโม อุปฺปชฺชติ เหตุปจฺจยาฯ อพฺยากตํ นเหตุํ อเหตุกํ ธมฺมํ ปฏิจฺจ นอกุสโล นเหตุ นอเหตุโก ธมฺโม อุปฺปชฺชติ เหตุปจฺจยาฯ อพฺยากตํ นเหตุํ อเหตุกํ ธมฺมํ ปฏิจฺจ นกุสโล นเหตุ นอเหตุโก จ นอกุสโล นเหตุ นอเหตุโก จ ธมฺมา อุปฺปชฺชนฺติ เหตุปจฺจยาฯ (3)

เหตุโคจฺฉกํ นิฏฺฐิตํฯ

1-7-8. กุสลตฺติก-สปฺปจฺจยาทิทุกานิ

[17] อพฺยากโต อปฺปจฺจโย ธมฺโม นอพฺยากตสฺส นอปฺปจฺจยสฺส ธมฺมสฺส อารมฺมณปจฺจเยน ปจฺจโยฯ อพฺยากโต อปฺปจฺจโย ธมฺโม นกุสลสฺส นอปฺปจฺจยสฺส ธมฺมสฺส อารมฺมณปจฺจเยน ปจฺจโยฯ อพฺยากโต อปฺปจฺจโย ธมฺโม นอกุสลสฺส นอปฺปจฺจยสฺส ธมฺมสฺส อารมฺมณปจฺจเยน ปจฺจโยฯ อพฺยากโต อปฺปจฺจโย ธมฺโม นอกุสลสฺส นอปฺปจฺจยสฺส จ นอพฺยากตสฺส นอปฺปจฺจยสฺส จ ธมฺมสฺส อารมฺมณปจฺจเยน ปจฺจโยฯ อพฺยากโต อปฺปจฺจโย ธมฺโม นกุสลสฺส นอปฺปจฺจยสฺส จ นอกุสลสฺส นอปฺปจฺจยสฺส จ ธมฺมสฺส อารมฺมณปจฺจเยน ปจฺจโยฯ (5)

อารมฺมเณ ปญฺจฯ (อสงฺขตํ อปฺปจฺจยสทิสํฯ)

1-9. กุสลตฺติก-สนิทสฺสนทุกํ

[18] อพฺยากโต สนิทสฺสโน ธมฺโม นอพฺยากตสฺส นสนิทสฺสนสฺส ธมฺมสฺส อารมฺมณปจฺจเยน ปจฺจโยฯ อพฺยากโต สนิทสฺสโน ธมฺโม นกุสลสฺส นสนิทสฺสนสฺส…เป.… (ฉ ปญฺหา กาตพฺพา)ฯ

กุสลํ อนิทสฺสนํ ธมฺมํ ปฏิจฺจ นกุสโล นอนิทสฺสโน ธมฺโม อุปฺปชฺชติ เหตุปจฺจยาฯ อกุสเลน ตีณิเยวฯ อพฺยากเตน ตีณิเยวฯ เหตุยา นวฯ

1-10. กุสลตฺติก-สปฺปฏิฆทุกํ

[19] อพฺยากตํ สปฺปฏิฆํ ธมฺมํ ปฏิจฺจ นกุสโล นสปฺปฏิโฆ ธมฺโม อุปฺปชฺชติ เหตุปจฺจยาฯ อพฺยากตํ สปฺปฏิฆํ ธมฺมํ ปฏิจฺจ นอกุสโล นสปฺปฏิโฆ ธมฺโม อุปฺปชฺชติ เหตุปจฺจยาฯ อพฺยากตํ สปฺปฏิฆํ ธมฺมํ ปฏิจฺจ นกุสโล นสปฺปฏิโฆ จ นอกุสโล นสปฺปฏิโฆ จ ธมฺมา อุปฺปชฺชนฺติ เหตุปจฺจยาฯ เหตุยา ตีณิฯ

กุสลํ อปฺปฏิเฆน ตีณิฯ อกุสลํ อปฺปฏิเฆน ตีณิฯ อพฺยากตํ อปฺปฏิเฆน ตีณิฯ กุสลํ อปฺปฏิฆญฺจ อพฺยากตํ อปฺปฏิฆญฺจ ตีณิฯ อกุสลํ อปฺปฏิฆญฺจ อพฺยากตํ อปฺปฏิฆญฺจ ตีณิฯ เหตุยา ปนฺนรสฯ

1-11. กุสลตฺติก-รูปีทุกํ

[20] อพฺยากตํ รูปิํ ธมฺมํ ปฏิจฺจ นกุสโล นรูปี ธมฺโม อุปฺปชฺชติ เหตุปจฺจยาฯ อพฺยากตํ รูปิํ ธมฺมํ ปฏิจฺจ นอกุสโล นรูปี ธมฺโม อุปฺปชฺชติ เหตุปจฺจยาฯ อพฺยากตํ รูปิํ ธมฺมํ ปฏิจฺจ นกุสโล นรูปี จ นอกุสโล นรูปี จ ธมฺมา อุปฺปชฺชนฺติ เหตุปจฺจยาฯ เหตุยา ตีณิฯ

กุสลํ อรูปิํ ธมฺมํ ปฏิจฺจ ตีณิฯ อกุสลํ อรูปิํ ธมฺมํ ปฏิจฺจ ตีณิฯ อพฺยากตํ อรูปิํ ธมฺมํ ปฏิจฺจ ตีณิฯ เหตุยา นวฯ

1-12. กุสลตฺติก-โลกิยทุกํ

[21] อพฺยากตํ โลกิยํ ธมฺมํ ปจฺจยา นอพฺยากโต นโลกิโย ธมฺโม อุปฺปชฺชติ เหตุปจฺจยาฯ อพฺยากตํ โลกิยํ ธมฺมํ ปจฺจยา นกุสโล นโลกิโย ธมฺโม อุปฺปชฺชติ เหตุปจฺจยาฯ